“CIENTÍFICOS DENDE O BERCE”
A prensa galega, La opinión e o Faro de Vigo recollen a noticia do recoñecemento de Ciencia en Acción aos dous traballos presentados pola escola.
Archive for the ‘PINGANDO’
Visita dos profesores do colexio Valssasina de Lisboa á nosa escola.
O luns día 8 de xuño, visitaron Monte Alto dúas profesoras e o director do Colexio Valssasina de Lisboa, que están a realizar unha viaxe por Galicia para coñecer proxectos e experiencias educativas.
Foi unha xornada de moita actividade, xa que intentamos mostrar o máis significativo das propostas que facemos sobre Ciencia.
Estiveron tamén con nós, Jesús Garrido, Dolores Vázquez e a estimable Susana Vázquez, todos eles vinculados ao ensino e ao colexio Jesuitas. Pola nosa parte, estivo todo o equipo da escola e contamos coa sorte de que Felix tamén se achegará a compartir esta tardiña de intercambio educativo, onde Portugal, sempre tan presente no cancioneiro de escola e nos proxectos, foi o motivo para desplegar o noso facer dende hai anos no mundo da ciencia.
Tras percorrer toda a escola e visitar a tenda de Antón rematamos no patio cunha merenda e as cancións de escola. O director deste colexio portugués agasallounos cunha fermosa peza de porcelana de Vista Alegre, unha sardiña de deseño dun artista portugués.
Podedes ver na rede a web deste gran centro educativo de Lisboa, que conta cunha historia moi especial.. http://new2.cvalsassina.pt/
ACTIVIDADES DO PROXECTO DE CIENCIA NAS AULAS
Lo sentimos, no tiene permiso para ver el artículo
Experiencias do proxecto de ciencia: PINGANDO
Lo sentimos, no tiene permiso para ver el artículo
DÍA DA AUGA
PINGANDO
2013 ,ANO INTERNACIONAL DA COOPERACIÓN NA ESFERA DA AUGA.
Nacións Unidadas propuxo o 2013 como o ano intenacional da Cooperación na esfera da auga.
Desde a escola queremos participar nesta conmemoración coas nosas posibilidades e ofrecer un protagonismo especial a este tesouro que nos rodea e fai posible a vida, a auga.
Desde moi pequenos expresamos o noso interese e gusto pola auga. Non só por tratarse de satisfacer unha necesidade vital, senón por que tocando,escoitando, vendo e probando a auga sentímonos felices.
Que ten a auga, para que sexa unha das primeiras palabras que dicimos..?
A auga está ligada á vida mesma, á nosa existencia.
Resulta doado propor a auga como eixo de traballo, pero a nosa intención vai un pouco máis aló de satisfacer as súas ansias de xogo e goce. Os nosos obxectivos parten do xogo para chegar a través do seu goce a iniciar ao neno en sinxelas investigacións.
Este proxecto parte da auga desde diferentes propostas:
A auga e as mesturas
A auga e a materia
A auga e o son
A auga e ródaa
A auga e o movemento
A auga e a calor
A auga e a masa
Cada un destes grandes bloques de traballo foi un proxecto de ciencia, polo que partimos de coñecer as posibidades que poden chegar a lograrse con cada uns deles. Sen dúbida é un reto máis no noso camiño de facer da ciencia algo cotián para o neno e a familia.
Monte Alto nesta convocatoria presenta unha proposta que ten á auga como eixo do seu proxecto de ciencia.
Non hai ningunha dúbida do interese e paixón que esperta e exerce a auga sobre os nenos, polo que a motivación para xogar con ela témola lograda.Propomos ir máis aló coa súa curiosidade e dirixir o seu interese nas relacións con outros elementos tan interesantes como: a materia, a roda, o xiro e movemento- a masa- os sons-a calor e o corpo.
A auga entra na escola para empaparse dos proxectos de ciencia anteriores e fíltrase neles con toda a súa forza e posibilidades.
Baixo unha estratexia de indagación e de aprender xogando, deseñamos e seleccionamos recursos, organizamos as actividades, e expomos situacións nas que os nenos desde primeiros meses a tres anos teñen oportunidades de experimentación sinxela, nas que comezan a descubrir os cambios e os procesos de transformación na auga e na materia.
A familia é compañeira indiscutible deste proxecto, á que convocamos para seguir na casa estas pequenas investigacións e ofrecer o seu punto de vista sobre o que acontece nestas situacións de experimentación .As súas aportacións complementan á escola e enriquecen coa súa achega ao proxecto.
A ciencia forma parte da vida escolar, e desde a diversidade de proxectos que se desenvolven ao longo do curso, vai cobrando maior espazo e tempo no noso facer educativo. Mirar a través da ciencia é, empapar as experiencias de sentido e esixe de nós os educadores unha tarefa apaixonante de aprendizaxe.