OBRADOIRO DE PAN con familias

Ana Amor, dietista  foi a encargada de dirixir  este obradoiro tan divertido e interesante. As familias asistentes tiveron que traer un cubo e un trapo e nada máis. Levaron para  casa a masa de pan lista para o forno. 

O primeiro que preparamos  foi MAZAPAN e logo PAN de TRIGO.

Antes de rematar probamos o mazapan e podemos dicir que estaba moi bo.

Un éxito de participación e de colaboración entre grandes e pequenos.

 

 

 

 

 

 

 

 

 

 

 

REUNIONS E FORMACIÓN, parte da vida escolar.

Un capítulo importante da actividade das educadoras está fóra do tempo de relación directa cas nenas e nenos e cas familias. Trátase da tarefa de formación e de relación con outros profesionais e equipos de traballo de centros escolares: reunións,encontros,asistencia a obradoiros, conferencias, cursos.

Unha parte moi importante da profesión é a de  manter contactos e compartir ideas e actividades comúns.

Estos días a formación e reunións serán  moi intensas, e pensamos que pode ser interesante que coñezades o que andamos a facer fóra das horas de relación directa cos pequenos.

Luns  11

As 17:00h.Curso de formación anual -1º parte  sobre Prevención de Riscos Laborais.

As 19:00h R eunión con educadoras e mestras doutros centros para organizar propostas de traballo comúns  para as escolinhas de Tete en Mozambique.

Apertura do curso de formación Aula Abierta  on-line da DGT- curso de especialización en educación vial.

Martes 12

As 17,30h. Curso de formación sobre Saúde no medio escolar, organizado polo concello e impartido na Fundación María José Jove 1º sesión.

Mércores 13

As 16:00h Obradoiro para familias na escola, A CASA ENCANTADA DE ALÍ, organizado por Normalización Lingüística do Concello 

As 18:00h Reunión con profesorado solicitante de visita á Tenda de Antón. Información das características deste espazo educativo e organización das mesmas ao longo do curso. 

Xoves14 e martes 19 

Segunda e terceira xornada do Curso de formación de Saúde no medio escolar.

Adxuntamos información sobre estas xornadas tan interesantes e fundamentais.

ProyectoEducaSaudeAytoLCGCursoSaludenlaEscuelaInfantilCartaDic2017

ProyectoEducaSaudeAytoLCGCursoSaludenlaEscuelaInfantilPiezaGraficaCastellano

 

 

 

Actividade da comunidade escolar

Que fantástico momento no Planetario, escoitando a voz de Félix e observando imaxes do universo. Ao compas dos sons, chegaron as constelacións, a lúa e a nave onde pode ser que o gran Yuri está a viaxar.

Grazas a todo o equipo da Casa das Ciencias, especialmente a Marcos Pérez e Miguel López que acompañou  e facilitou a nosa proposta musical e didáctica.

Ao longo destes días organizáronse charlas para as nais e país

O próximo mércores o obradoiro para familias organizado polo concello.

tantas cousas por contar!!

Levamos tempo sen subir información, e todo é debido a cantidade de actividades ao longo destas semanas estamos a realizar pola escola.

Alá queda o magosto na Horta da Torre, do que non podemos mostrar imaxes xa que con tanta festa non tivemos momento para facelas, pero seguro que aínda estamos a tempo de recibir algunha das que as familias e membros da asociación de veciños estiveronpor alí.

Foi unha tarde linda onde tivemos tempo para cantar, contar, andar pola rúa e pasear polo parque da Torre ata chegar á Horta. Alí merendamos castañas e todo tipo de tartas,empanadas, e sobremesas que familias e veciños aportaron.

Queremos tamén dicir, que grazas á iniciativa Normalización Lingüística do Concello, tivemos a ocasión de ter con nós na escola ao Músico Pablo Díaz, do que coñecemos moitas cancións. Destacamos a famosa QUERO SER ECOLOXISTA que levamos como lema no Anteollo familiar, como símbolo  de coidar os nosos bosques para evitar os lumes que tanto mal están a facer na nosa terra.

 

IMG_4166