PROPOSTA DA COMUNIDADE EDUCATIVA NO PROCESO PARTICIPATIVO- PORTA ABERTA- CONCELLO

A comunidade educativa presenta a iniciativa de “RECUPERACIÓN DA PRAZA DO MERCADO DE MONTE ALTO E ESCOLA INFANTIL MUNICIPAL”- na iniciativa do concello de orzamentos participativos PORTA ABERTA.
Precisamos do apoio de todos para facer posible a rexeneración e recuperación do espazo que compartimos xunto co mercado: unha praza que está degradada e nun lamentable estado de limpeza, accesibilidade e limitado no seu uso. A escola precisa dunha actuación urxente e alternativa para manter as condicións dignas e adecuadas para todos/as: familias, nenos/as e traballadoras/es.
Dende hai meses estamos cun gran malestar, e facendo peticións. Algunhas actuacións foron realizadas no pavimento da praza,pero todos sabemos que non son suficientes.Non só estamos a falar dunhas melloras, senón dun cambio significativo onde todos e todas poidamos convivir, andar, falar e xogar nas rúas e prazas do barrio con seguridade e tranquilidade.
Nesta aposta de cambios está a ESCOLA, a escola infantil, un edificio feito xunto co mercado para “servir aos usuarios e usuarias”. O seu uso foi mudado nuns días. Cando abriu as súas portas, xa era unha escola e non un aparcadoiro de nenos.
Era o ano 1987. Case 30 anos despois, a escola segue co carácter de manter un proxecto de incorformismo por mudar e melloar as cousas. Non podemos tapar os ollos ao que rodea a escola, xa que, formamos parte do mesmo. Somos parte dun barrio, dunha praza, dun mercado… e é necesario que mellore todo, pola responsabilidade que temos de ofrecer aos nenos e nenas a posibilidade de vivir nunha cidade amable,respetuosa e sensible por eles e elas.

Á espera do “concurso de ideas” que prometeu o concello sobre praza-mercado-escola, a comunidade escolar propón nesta convocatoria aberta de investimentos a RECUPERACIÓN DA PRAZA e ESCOLA INFANTIL co obxectivo de contar con espazos e equipamentos acolledores e de encontroRecomendamos,unha ollada a portada do libro “A cidade dos nenos” Francesco Tonucci, e unha boa lectura do contido e  un primeiro paso para este “REPENSAR A CIDADE”.

Resultado de imagen de a cidade dos nenos

enlace:

https://aportaaberta.coruna.es/participatory_budget/investment_projects/283

Código da proposta: 283

Recuperación dos espazos de convivencia e encontro: actuación sobre a praza, novo equipamento para a escola e revitalización do mercado.

– Creación dunha nova infraestructura-equipamento para a infancia: Escola Infantil Municipal.

– Reutilización de espazos: plaza superior e inferior, incorporación de zonas verdes, reposición de mobiliarios, accesibilidade para todos.

– Promover un espazo de encontro interxeracional onde cultura e arte formen parte da vida cotiá do barrio da man do mercado: novos usos dos postos do mercado, como o que está a facer a escola infantil coa “Tenda de Anton”, zona de uso fora do horario comercial, punto de lectura, etc.

Adxuntamos o documento elaborado por membros da comunidade educativa, onde se recollen diversas propostas de actuación. Este documento foi entregado no rexistro de Urbanismo do Concello en febreiro deste ano.